IT Park “Ona tilini yuksak qadrlaymiz!” aksiyasi doirasida davra suhbatida ishtirok etdi

21-oktabr kuni o‘zbek tiliga davlat tili maqomi berilganligining 32-yilligi nishonlanmoqda. Shu munosabat bilan O‘zbekiston Respublikasi axborot texnologiyalari va kommunikatsiyalarini rivojlantirish vazirligi, O‘zbekiston Respublikasi Vazirlar Mahkamasi huzuridagi ma’naviyat va davlat tilini rivojlantirish departamenti, ish yuritish va malaka oshirish asoslarini o‘qitish markazi, shuningdek, o‘zbek tilini rivojlantirish jamg‘armasi bilan hamkorlikda “Qadring baland bo‘lsin, ona tilim!” aksiyasi o‘tkazildi.

Tadbirda O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, IT Park xodimlari, shuningdek, vazirlik markaziy apparati bo‘limlari, idoralari va bo‘linmalarining boshqa xodimlari ishtirok etishdi.

Tadbir O‘zbekiston xalq shoiri Erkin Vohidov qalamiga mansub “Ona tilim ulmoti” she’ridan iborat videorolik taqdimoti bilan boshlandi. Videorolik vazirlik tizimidagi korxona va tashkilotlar, shu jumladan IT Park xodimlari ishtirokida tayyorlangan.

Axborot texnologiyalari va kommunikatsiyalarini rivojlantirish vazirining o‘rinbosari J. Egamberdiyev vazirlikda davlat tilini rivojlantirish bo‘yicha ishlar olib borilayotganini, xususan, davlat tilida ish yuritish tizimi to‘liq yo‘lga qo‘yilganini, “axborot texnologiyalari atamalarining izohli lug‘ati” tayyorlanganini ta’kidladi.

Ta’kidlash joizki, IT Park, o‘z navbatida, ish yuritish tizimini ham davlat tilida yo‘lga qo‘ygan va umuman olganda, o‘zbek tiliga hurmat va ehtirom bilan qaraydi.