Global Business Services Forum 2026 Toshkentda raqamli xizmatlar sanoati yetakchilarini jamlaydi

24–25-iyul kunlari IT Park Uzbekistan Toshkentda Global Business Services Forum (GBSF) 2026 xalqaro forumini o‘tkazadi. Forum global biznes xizmatlari, raqamli autsorsing va eksportga yo‘naltirilgan IT-xizmatlar rivojiga bag‘ishlanadi.

Forum BPO, KPO va IT-kompaniyalar vakillari, operatsion rahbarlar hamda Markaziy Osiyoni yangi o‘sish nuqtasi sifatida ko‘rayotgan xalqaro biznes vakillarini birlashtiradi. Ishtirokchilar AI ta’siri ostida global xizmatlar bozori qanday o‘zgarayotgani, nega kompaniyalar operatsion jarayonlarni tobora ko‘proq rivojlanayotgan texnologik hablarga ko‘chirayotgani va bu jarayonda bugungi kunda O‘zbekiston qanday rol o‘ynayotganini muhokama qiladi.

So‘nggi yillarda mamlakat raqamli xizmatlar va autsorsing sohasidagi pozitsiyalarini mustahkamladi: xalqaro kompaniyalar bu yerda servis ofislarini ochmoqda, jamoalarini kengaytirmoqda va O‘zbekistondan mintaqaviy bozorlar uchun baza sifatida foydalanmoqda. O‘sishning asosiy omillaridan biri — yosh va ko‘p tilli mutaxassislar ekotizimi hamda raqamli biznes uchun yaratilayotgan qo‘llab-quvvatlash choralari.

An’anaviy konferensiyalardan farqli ravishda, GBSF 2026 Global Business Services sanoatiga qaratilgan — operatsion boshqaruv va mijozlarga xizmat ko‘rsatishdan tortib raqamli va back-office yechimlargacha. Forum dasturi strategik muhokamalar bilan bir qatorda amaliy qismni ham o‘z ichiga oladi: operatsiyalarni ishga tushirish bo‘yicha vorkshoplar, huquqiy va infratuzilmaviy masalalar tahlili, davlat va biznes vakillari bilan uchrashuvlar, shuningdek, mahalliy texnologik kompaniyalarga tashriflar tashkil etiladi.

Tadbir IT Park Uzbekistan hududida bo‘lib o‘tadi. Forumning barcha sessiyalari ingliz tilida o‘tkaziladi.

Forumda ishtirok etish uchun quyidagi sayt orqali ro‘yxatdan o‘tish mumkin: https://luma.com/qw5d41g3